“Кыргызалтын” ААКсы менен "Макмал Голд Компани" ЖЧКсы биргеликте ишкананын материалдык-техникалык базасын чыңдоо жана өндүрүштү өркүндөтүү максатындагы иштерди улантууда

Эскерте кетсек ишкананын жетекчилиги тарабынан 2023-жылдын август айында өндүрүштү жакшыртуу максатында "Макмал" кениндеги шахтага кирип-чыгууга жана жүк жүктөөгө ылайыкташтырылган техникаларды  ишке берип жатып, мындан ары да бул иш-чара уланаарын, ишканын техникалык базасын чыңдоо иштери жасала бере тургандыгын белгилеген.  

Жыл жаңыраары   менен өндүрүштүн кызыкчылыгы  үчүн "Макмал" тоо-кен бөлүмүнүн ишин жакшыртуу, жумушчулардын коопсуздугун коргоо максатында жаңы техникалар алынып келинди.

Алсак атайын шахтанын ичинен кен ташып чыгууга ылайыкташтырылган 4 даана техника, шахтанын ичинен жүк жүктөөгө ылайыкташтырылган 1 даана техника алынып, ишке берүүнүн алдында турат.

   Мындан сырткары ишкананын ички жумуштарын аткаруу максатында 1 даана электр кубаттагыч менен жүргөн, атайын имараттардын ичине кирип -чыгууга ылайыкташтырылган авто унаа, ишканага керектүү шаймандарды жана башка оор жүктөрдү ташуу, акча-каражатын үнөмдөө максатында 1 даана жүк ташуучу “MAН TGL 8.210” үлгүсүндөгү авто унаа жана жумушчуларды таашыган 1 даана "Sprinter Reks" үлгүсүндөгү авто унаа алынды.

Белгилей кетсек, 2023-жылы ишкана өндүрүштүн натыйжалуулугун жогорулатуу максатында жалпы суммасы 13,8 миллион сомдон ашык 9 даана техника сатып алган.