2023-жылдын 29-мартында «Кыргызалтын» ААКнын жетекчилеринин Өзбекстан Республикасынын Навои тоо-металлургиялык комбинатынын делегациясы менен эки тараптуу жолугушуусу болуп өттү.
Жолугушуунун жүрүшүндө тараптар Кыргызстан менен Өзбекстандын ортосундагы эки тараптуу кызматташуунун актуалдуу маселелерин талкуулашты, атап айтканда, эки өлкөнүн тоо-кен тармагын өнүктүрүү маселелерин талкуулашты.
Өзгөчө көңүл калдыктарды кайра иштетүү технологиясын биргелешип ишке киргизүү жана таштанды төгүүчү жайларды тазалоонун технологиясын иштеп чыгуу маселелерине бурулду.
Мындан тышкары, тараптар Кыргыз Республикасынын аймагындагы кендерди биргелешип иштетүү боюнча эки мамлекеттин ортосундагы кызматташуунун келечегин талкуулашты.
