«Макмал» кениндеги казындылар жана калдыктар

Бул кен 1986-жылдан 2003-жылга чейин ачык жол менен казылып алынган. Карьерди иштетүүдө «Макмалалтын» комбинаты 30,0 тоннадан ашык алтын өндүргөн.

2003-жылдан баштап карьердеги кендин кору түгөнгөндүгүнө байланыштуу «Макмал» кениндеги кендин корун жер алтындан казып алуу ыкмасы менен иштетүү башталган.

Макмал кени Жалал-Абад облусунун Тогуз-Торо районунда жайгашкан.

Бүгүнкү күндө кенде 9 тоо тектеринин казындылары бар, алардын көлөмү болжолдуу эсептөөлөр боюнча 7,9 млн. тоннаны түзөт. Учурда алтындын курамы 0,5 г/т дан 1,2 г/т га чейин жеткен тоо тектеринин үйүлгөн казындылары изилденип жатат.

Казындылардын изилденген бөлүгү боюнча геологиялык отчетко ылайык, курамында алтындын орточо өлчөмү 0,69 г/т болгон 3,9 млн. тонна тектердин казындыларын ташып келип иштетүүгө болот. Казындылардын чалгындалган бөлүгүндө камтылган С1+С2 категориясындагы алтындын кору 2716,3 кг.түзөт.

Тоо тектеринин көмүлгөн жайларында алтындын курамы 1 г/т чейин жана андан жогору болгон казындыларды ачуу практикасынын негизинде, ошондой эле Макмал кенинин тоо тектеринин үйүлгөн казындыларында алтындын олуттуу концентрациясынын болушунун жагымдуу факторлорун эске алуу менен, «Кыргызалтын» ААК биргелешкен ишкананы түзүү менен аларды үймөктөп эритүү жолу менен андан ары өздөштүрүү үчүн потенциалдуу ресурстардын санын жана сапатын андан ары баалоого ниеттенүүдө.

Кызматташтыктын экинчи келечектүү объектиси болуп алтынды ылгап алуучу фабрикага жакын жайгашкан «Макмалалтын» комбинатынын  толуп калган №1 калдык сактоочу жайын кайра иштетүү саналат. Калдыктардын материалы цианиддөө калдыктары менен көрсөтүлөт, майдалыгынын даражасы 0,074 ммге чейин (70%). Калдыктарды сактоочу жайда орточо 0,45 г/т жана 5368,5 кг алтынды камтыган 11,8 млн. тонна калдыктар бар.

Кубаттуулугу жылына 1 миллион тонна рудага чейинки калдыктарды кайра иштетүүдө фабриканы чийки зат менен камсыз кылуу мөөнөтү 10 жылдан кем эмес болот.