«Кыргызалтын» ААКтын Юридикалык башкармалыгынын жетектөөчү адиси бош кызмат ордуна сынак жарыялайт, кеңсе Бишкек шаарында жайгашкан

«Кыргызалтын» ААКтын  Юридикалык башкармалыгынын жетектөөчү адиси бош кызмат ордуна сынак жарыялайт, кеңсе Бишкек шаарында жайгашкан.

Кызматтык милдеттери:

• Коом тарабынан түзүлгөн келишимдерди каттоодон өткөрөт;
• Коом тарабынан берилген ишеним каттарды каттоодон өткөрөт;
• Өзүнүн кызматтык милдеттеринин чегинде Коомдун укуктарын жана кызыкчылыктарын коргоону камсыз кылат;
• Келишим долбоорлоруна укуктук жактан экспертиза жүргүзөт;
• Буйруктарга укуктук жактан экспертиза жүргүзөт;
• Тескемелерге укуктук жактан экспертиза жүргүзөт;
• Мамлекеттик, укук коргоо органдарына, юридикалык жана жеке жактарга каттардын долбоорлорун даярдайт;
• Коомдун кызыкчылыктарын коргоо үчүн укуктук мүнөздөгү документтердин, анын ичинде дооматтардын, арыздардын, каттардын ж.б. долбоорлорун даярдайт;
• Коомдун алдында карызкорлорун табуу жана карыздарды өндүрүү боюнча бардык чараларды көрөт;
• Коомдун пайдасына мыйзамдуу түрдө кабыл алынган сот актылары боюнча аткаруу өндүрүшүн козгоо үчүн материалдарды даярдайт;
• Республиканын аймагындагы бардык сот инстанцияларында, сот аткаруучулар кызматынын бөлүмдөрүндө Коомдун кызыкчылыктарын коргойт.

Коюлуучу талаптар:

• Юридикалык жогорку билим жана адистиги боюнча кесибине 1 жылдык иш тажрыйбасы;
• Кыргыз Республикасынын мыйзамдарын билүү (жарандык, эмгек, административдик ж.б.);
• Иш кагаздарын жүргүзүү көндүмдөрү, сабаттуу жазуу жана оозеки  маданияттуу сүйлөө, иш тажрыйбасына талап коюлбайт.

Талапкерлер «Кыргызалтын» ААКга төмөнкү документтерди тапшырышат:

• Өмүр баяны (соттолгондугу же соттолбогондугу жөнүндө маалыматты көрсөтүү менен);
• Сүрөтү менен резюме (электрондук почта дарегин көрсөтүү менен);
• Паспорттун көчүрмөсү;
• Керектүү кесиптик билимди, иш тажрыйбасын жана квалификацияны тастыктаган документтер (эмгек китепчесинин, билим жөнүндө документтердин, квалификацияны жогорулатуу жөнүндө документтердин нотариалдык жактан же иш орду боюнча персоналды башкаруу кызматтары тарабынан күбөлөндүрүлгөн көчүрмөлөрү).

Документтер 2025-жылдын 24 ноябрынан тартып 23 декабрына чейин саат 09:00дөн 17:00гө чейин Бишкек шаары, Абдымомунов көчөсү, 195 дарегиндеги «Кыргызалтын» ААКтын Стратегияны иштеп чыгуу жана адам ресурстарын өнүктүрүү бөлүмүндө кабыл алынат, тел. 62-07-04.

Талаптарга дал келген талапкерлер гана маектешүүгө чакырылат.