«Кыргызалтын» ААК маалыматтык технологиялар башкармалыгынын SMM – адиси кызматына бош орун бар экендигин жарыялайт, кеңсе Бишкек шаарында жайгашкан
«Кыргызалтын» ААК маалыматтык технологиялар башкармалыгынын SMM – адиси кызматына бош орун бар экендигин жарыялайт, кеңсе Бишкек шаарында жайгашкан
Кызматтык милдеттери:
- «Кыргызалтын» ААКтын социалдык тармактардагы жана башка санариптик платформалардагы расмий баракчаларын жана аккаунттарын Коомдун бекитилген маалыматтык саясатын эске алуу менен уюштуруу жана иш алып баруу;
- контент-пландарды иштеп чыгууну жана ишке ашырууну камсыз кылуу, маалыматтык материалдарды даярдоо жана жарыялоо;
- мобилография көндүмдөрү, сүрөттөрдү жана видеоматериалдарды сапаттуу иштеп чыгуу, ошондой эле заманбап мобилдик видеомонтаж колдонмолорун билүү;
- ишке ашырылып жаткан SMM-иш-чараларынын натыйжалуулугун талдоо, иштин жыйынтыктары жөнүндө отчетторду даярдоо.
Талапкерлерге коюлуучу талаптар:
- реклама, коомчулук менен байланыш, маалыматтык технологиялар, журналистика же башка тиешелүү тармактар боюнча жогорку же орто кесиптик билим; SMM чөйрөсүндө кесиптик сертификаттардын жана тастыкталган практикалык иш тажрыйбасынын болушу;
- иштиктүү кат алышуу көндүмдөрү;
- сабаттуу жана маданияттуу жазуу, сүйлөө.
Талапкерлер «Кыргызалтын» ААКна төмөнкү документтерди тапшырышат:
- өмүр баяны (соттолгондугу же соттолбогондугу жөнүндө маалыматты көрсөтүү менен);
- сүрөтү менен резюме (электрондук почта дарегин көрсөтүү менен);
- паспорттун көчүрмөсү;
- керектүү кесиптик билимди, иш тажрыйбасын жана квалификацияны тастыктаган документтер (эмгек китепчесинин, билим жөнүндө документтердин, квалификацияны жогорулатуу жөнүндө документтердин нотариалдык жактан же иш орду боюнча персоналды башкаруу кызматтары тарабынан күбөлөндүрүлгөн көчүрмөлөрү).
Документтерди кабыл алуу тартиби:
Документтер 2026-жылдын 27 февралдан тартып 27 мартка чейин саат 09:00дөн 17:00гө чейин Бишкек шаары, Абдымомунов көчөсү, 195 дарегиндеги «Кыргызалтын» ААКтын Стратегияны иштеп чыгуу жана адам ресурстарын өнүктүрүү бөлүмүндө кабыл алынат, тел. 62-07-04.
