«Кыргызалтын» ААК Маалыматтык технологиялар жана санариптик коопсуздук башкармалыгы видеобайкоону техникалык колдоо бөлүмүнүн башкы адисине бош жумуш орду бар экендигин жарыялайт

Кызматтык милдеттери:

- Тармактык инфратүзүмүн ишке киргизүү, башкаруу жана өнүктүрүү, анын туруктуу жана коопсуз иштешин камсыздоо.

- L2/L3, VLAN, маршрутизация, VPN/IPsec, тармак аралык өз ара аракеттенүү жана байланыш каналдары сыяктуу тармактык жабдууларды, технологияларды коштоо, күүгө келтирүү.

- Windows Server жана Linux сервердик инфратүзүмдү башкаруу, анын ичинде сервердик тутумдарды орнотуу, күүгө келтирүү, жаңыртуу жана техникалык жактан тейлөө.

- Физикалык серверлерди, маалыматтарды сактоо системаларын (СХД), RAID массивдерин жана серверлерди алыстан башкаруу каражаттарын (iLO/iDRAC) ишке киргизүү.

- Виртуалдаштыруу тутумдарын башкарууга, маалыматтарды резервдик көчүрүүгө жана калыбына келтирүүгө катышуу.

- Серверлердин, тармактык жабдуулардын жана IT-кызматтарынын абалына мониторинг жүргүзүү, Zabbix, Grafana жана ушул сыяктуу куралдарды колдонуу менен мүчүлүштүктөрдү аныктоо жана жоюу.

- IP-камераларды, видеорегистраторлорду, видеокөзөмөл башкаруу тутумдарын (VMS), видеоаналитика тутумдарын жана СВНди тармактык инфтүзүм менен интеграциялоону орнотууга жана камсыздоого катышуу. 

Талапкерлерге коюлган талаптар:

- Маалымат технологиялары, компьютердик техника, телекоммуникациялар же ага байланыштуу багыттар боюнча жогорку билим.   

- Тармактык администрациялоо жана сервердик инфратүзүмдү тейлөө жаатында 3 жылдан ашык тажрыйба.

Талапкерлер «Кыргызалтын» ААКга төмөнкү документтерди тапшырышат:

- Өмүр баяны (соттолгондугу же соттолбогондугу жөнүндө маалыматты көрсөтүү менен).

- Сүрөтү менен резюме (электрондук почтанын дарегин көрсөтүү менен);

- Паспорттун көчүрмөсү;

- Кесиптик билимиңизди, эмгек стажыңызды жана квалификацияңызды тастыктаган документтер (эмгек китепчесинин көчүрмөлөрү, билим жана квалификацияны жогорулатуу жөнүндө документтер).

Документтерди кабыл алуунун тартиби:

Документтер Бишкек шаары, Абдымомунов көчөсү, 195 дарегиндеги «Кыргызалтын» ААКтын Чечимдердин  аткарылышын контролдоо, стратегияны иштеп чыгуу, кадр саясаты жана документтер менен камсыздоо башкармалыгында 2026-жылдын 5-ноябрына саат 12:00гө чейин кабыл алынат, тел. 62-07-04.

Талаптарга дал келген талапкерлер гана маектешүүгө чакырылат.

Документтерди жөнөткөндө, сиз кайсы бош кызмат ордуна талапкер болуп жатканыңызды сөзсүз көрсөтүңүз.