Кыргызстанда ири титаномагнетит кенин иштетүү расмий башталды
26/09/2024 ж.
Кыргыз Республикасынын Министрлер Кабинетинин Төрагасы – Кыргыз Республикасынын Президентинин Администрациясынын Жетекчиси Акылбек Жапаров “Кыргызалтын” ААКнын Кызыл-Омпол эң ири титаномагнетит кенинин өздөштүрүлүшүнүн башталышын билдирген мезгил кутусун орнотууга катышты.
МинКаб башчысы бул баалуу ресурсту өздөштүрүү мамлекет тарабынан колго алынып, долбоорду каржылоо булактары аныктала турганын баса белгиледи. «Бул Кыргызстан үчүн абдан маанилүү окуя. Кызыл-Омпол кенинде миллиондогон тонна титаномагнетит бар.
Титан - медицинада, авиацияда жана астронавтикада ар кандай тармактарда колдонулган баалуу металл. Бул тармакты өнүктүрүү экспорттун көлөмүн гана көбөйтпөстөн, жаңы жумушчу орундарды түзүүгө мүмкүндүк берет, бул өлкөнүн экономикасынын өнүгүшүнө түрткү берет», — деди Акылбек Жапаров
Кыргыз Республикасы, Бишкек ш., Абдымомунова №195