«Кыргызалтын» ААК Башкармасынын төрагасы Кубат Абдраимов өлкөнүн түштүгүндөгү тоо-кен ишканаларына иш сапары менен барды

«Кыргызалтын» ААК Башкармасынын төрагасы Кубат Абдраимов «Эти Бакыр Терексай» ЖЧК тоо кен ишканасына иш сапары менен барды.

Иш сапардын жүрүшүндө «Кыргызалтын» ААКнын жетекчилиги компаниянын ишинин жүрүшү жана компаниянын келечектеги жасалчу иштери менен кеңири таанышты.

Кубат Абдраимов кен иштетүүчү компаниянын жетекчилигине жана түрк инвесторлорунун Кыргызстандын экономикасына кошкон салымына жогору баа берди.

Мындан сыркары, «Эти Бакыр Терексай» ЖЧКнын жана «Кыргызалтын» ААКнын жетекчилери ишкананын учурдагы милдеттерин жана көйгөйлөрүн талкуулашты.

Белгилей кетсек, «Эти Бакыр Терексай» ЖЧКнын 25% үлүшү «Кыргызалтын» ААКна таандык.

Ошону менен бирге «Кыргызалтын» ААК Башкармасынын төрагасы Кубат Абдраимов «Фул Голд Майнинг Компани» ЖЧКнын учурдагы иштери жана келечектеги өнүгүү пландары менен таанышты.