«Кыргызалтын» ААКында салыктык отчеттуулук боюнча семинар өттү
«Кыргызалтын» ААКында «Бирдиктүү салык декларациясы» деген темада семинар өткөрүлдү. Иш-чарага филиалдардын жана туунду ишканалардын башкы бухгалтерлери, анын ичинде аймактардан келген өкүлдөр катышты.
Семинар салык отчетторун тапшырууну алдында уюштурулуп, киреше салыгын туура эсептөөнүн, эсептөөлөрдөгү каталарды минималдаштыруунун жана салык мыйзамдарынын сакталышынын негизги аспектилерин талкуулоого багытталган.
Иштин жүрүшүндө катышуучулар бирдиктүү салык декларациясын толтуруу тартибин, салык мыйзамдарындагы учурдагы өзгөрүүлөрдү, туумдарга жана финансылык тобокелдиктерге алып келе турган типтүү каталарды карап чыгышты.
Семинардын жүрүшүндө практикалык көнүгүүлөр жүргүзүлүп, татаал салыктык кырдаалдардын мисалдары талданып, туура отчеттуулук боюнча сунуштар берилди. Катышуучулар окуу материалдарды алып, эксперттерге суроо берүү мүмкүнчүлүгүнө ээ болушту.
«Кыргызалтын» ААК салык жана финансылык эсепти жакшыртууга багытталган иш-чараларды уюштуруу менен ички окутуу системасын өнүктүрүүнү улантууда. Мындай демилгелер салыктык тобокелдиктерди азайтууга, бухгалтердик кызматтын натыйжалуулугун жогорулатууга жана финансылык тартипти чыңдоого жардам берет.
