Кыргызалтын» ААК 33 жылдыгын белгиледи
Бул датага карата “Кыргызалтын” ААКсында салтанаттуу жыйын өтүп, анда “Кыргызалтын” ААКсынын Башкармалыгынын Төрагасы Кубат Абдраимов ишкананын кызматкерлерин жана ардагерлерин куттуктап, алардын ак ниет эмгеги жана ата мекендик алтын казып алуу тармагын өнүктүрүүгө кошкон салымы үчүн ыраазычылык билдирди.
Ал өзүнүн сүйлөгүн сөзүндө ишкананын туруктуулугу жана ийгиликтери жамааттын биргелешкен аракетинин натыйжасы экендигин баса белгиледи.
Өлкө жетекчилигинин жер казынасын пайдалануу жаатындагы өз убагында жана натыйжалуу саясатынын натыйжасында бул тармактын туруктуу өнүгүшү жана жогорку көрсөткүчтөргө жетишүүсү үчүн бардык шарттар түзүлдү.
Бүгүнкү күндө «Кыргызалтын» ААКы өлкөнүн тоо-кен тармагындагы алдыңкы ишканалардын бирине айланды. Компания алтын казып алууну ийгиликтүү өнүктүрүүдө, мамлекеттик бюджеттин туруктуу кирешелерин камсыз кылууда, жаңы жумуш орундарын түзүүдө, инвестиция тартууда.
Иш-чаранын жыйынтыгында эмегеги менен айырмаланган кызматкерлерге ардак грамоталар, ыраазычылык каттар жана компаниянын жекелештирилген сааттары тапшырылды.
